تأخر الحمل

تأخر الحمل هو عدم القدرة على الحمل لمدة عام كامل على الرغم من العلاقة الزوجية المنتظمة

ساعات بيكون بسبب حاجة واحدة وساعات بتكون كذا حاجة مع بعض . لازم تخلي بالك ان في فرق بين تأخر الحمل والعقم اللي هو عدم القدرة على الانجاب . لان تأخر الحمل علاجاته كتير …

الاعراض :

عادة عند الرجال مبيكونش في اعراض او اي شكوى ولكن عند الستات ممكن نلاقي اعراض زي لخبطة في الدروة الشهرية  او ألم غير معتاد مع الدورة الشهرية او العلاقة الزوجية

الاسباب :

عملية الاخصاب عملية معقدة جدا ولتحقيق الحمل يجب ان يكون التبويض والاخصاب في الوقت المناسب معا . وعلشان كدة تاخر الحمل بيكون بسبب عده عوامل مع بعض . وفي بعض الاحيان بتكون المشكلة خلل في الانتصاب او مشكلة عضوية في الهرمونات او في تركيب الجهاز التناسلي نفسه او احيانا بتكون حاجة بسيطة زي مجرد التهابات او عدوى .

اسباب تأخر الحمل عند الذكور :

لها اسباب عديده منها :مشكلة في شكل او حركة الحيوانات المنوية او بيكون تركيز الحيوانات المنوية قليل في السائل المنوي او ممكن يكون انعدام الحيوانات المنوية في السائل المنوي وبرضه الدوالي لها اثر كبير في تأخر الحمل وفي بعض العوامل التانية برضه زي الفشل الكلوي او مرض السكر او امراض القلب .

اسباب تأخر الحمل عند الاناث :

  • انسداد او ضرر في انبوبة فالوب ودي بتحصل غالبا بسبب التهاب في الانبوبة بيكون بسبب عدوى بكتريا ( كلاميديا )
  • البطانة المهاجرة ودي معناها وجود بطانة الرحم في مكان تاني غير الرحم مثلا على المبيض او انبوبة فالوب ودي برضه من اسباب تأخر الحمل . وممكن تسبب تأخر حمل لانها بتسبب برضه لخبطة في الدورة الشهرية او ساعات بتتسبب في وجود اكياس على المبيض .
  • هرمون اللبن : وده بيسبب تأخر حمل لأنه بيخلي الجسم كأنه في حالة رضاعة وبكدة ممكن يسبب تأخر في الحمل
  • تكيس المبايض : وفي الحالة دي زيادة افراز الهرمونات بتزود انتاج الحويصلات ف المبيض بس بتخليه ميكونش بويضات وفي الحالة دي حجم المبيض بيزيد بس مبيأديش وظيفته الطبيعية وبيكون معاه اعراض تانية زي زيادة الشعر في الجسم .
  • سن اليأس المبكر : ساعات سن اليأس بيحصل بدري قبل سن 35 سنة .
  • اورام الرحم الليفية : الاورام الليفية دي اورام حميدة ممكن تحصل لأي ست وهي بتؤدي لتأخر الحمل لانها بتاثر على الشكل الداخلي للرحم فبتسبب اجهاض للحمل او ممكن متخليش البويضة تتزرع اصلا
  • الالتصاقات اللي في الحوض : ودي يتحصل بكذا طريقة يا اما وجود التهابات في الحوض او اي عملية جراحية سابقة زي الزايدة . الالتصاقات دي بتأثر على وظيفة المبيض والانابيب وبالتالي بتأثر على الخصوبة .
  • الادوية : في بعض ادوية ممكن تسبب تأخر حمل . علشان كدة ما تخديش اي دوا من نفسك ولازم تراجعي الدكتور بتاعك

العلاج :

قبل العلاج طبعا في تحاليل الدكتور بيطلبها من الزوج والزوجة الاول

العلاج انواعه وطرقه كتير مش هتكلم عليها بالتفصيل بس هي بتترواح ما بين علاج دوائي لتنشيط التبويض او منظار بطن جراحي ( في حالة وجود التصاقات )او منظار رحم او حقن مجهري