استئصال الرحم

هي عملية جراحية بيتم فيها استئصال الرحم ودي بتكون لعدة اسباب منها :

  • وجود اورام ليفية ومعاها نزيف او ألم او اي مشاكل تانية
  • سقوط مهبلي وهو سقوط الرحم من مكانه ووجوده في المهبل
  • اورام خبيثة في الرحم او عنق الرحم او المبايض
  • بطانة الرحم المهاجرة
  • نزيف مهبلي غير مبرر
  • الام مزمنة في الحوض
  • التغدد الرحمي او زيادة سمك بطانة الرحم

وعاده استئصال الرحم مبيكونش اول حاجة في العلاج ولكن بيتم بعد تجربة انواع مختلفة من العلاجات ومبنعملش استئصال غير بعد فشل العلاج الدوائي

انواع عملية استئصال الرحم :

ودي بتعتمد على السبب اللي هنشيل علشانه الرحم ممكن نعمل استئصال كلي للرحم مع الانبوبتين والمبايض او ممكن نعمل استئصال جزئي وده بنشيل في الرحم بس وبنسيب المبايض.

الطرق الجراحية لاستئصال الرحم :

الاستئصال عن طريق فتح البطن جراحيا :

ودي بتم عن عن طريق فتح البطن جراحيا اما بالطول او بالعرض ( زي فتحة القيصري )

الاستئصال عن طريق المهبل :

ودي بتم عن طريق المهبل من غير جرح في البطن

الاستئصال بالمنظار :

ودي بتم عن طريق منظار البطن