الولادة بدون الم

معظم الستات بتحب الأطفال وفكرة الحمل . ولكن لما بتيجي سيرة الولادة الحكاية بتتغير خالص

هنا هنقول بعض الخطوات لتجهيز جسمك للولادة الطبيعي :

حركة الجسم

من المعروف ان الحمل صعب على الجسم و هتكوني  مجهدة طول الوقت . بس لو عايزة تولدي طبيعي …. لازم تتحركي . المشي من اهم الرياضات اللي بتساعد على الولادة الطبيعي  وفي رياضات تانية  كتير بتساعد برضه منها السباحة او اي رياضه بتقوي عضلات الحوض

البعد عن القلق والتوتر

اكيد طبعا اي واحدة حامل بتكون متوترة وقلقانة . بس حاولي على قد ما تقدري تبعدي عن اي حاجة بتوترك او تقلقك . ده هيساعدك كتير انك تولدي طبيعي . في شوية حاجات ممكن تعمليها علشان تبعدي عن التوتر منها الهدوء او التأمل او ممكن تسمعي الموسيقى اللي بتحبيها

التنفس الصح

ده من الحاجات اللي ناس كتير مش واخدة بالها منها . بس هو من اهم الحاجات اللي هتساعدك خلال الولادة .لازم تنظمي نفسك على قد ما تقدري و يكون بالتتابع ما بين نفس عميق ونفس سطحي

الاكل الصح 

وده من الحاجات المعروفة وبالرغم من كدة محدش بيعملها صح . الاكل بيأثر عليكي وعلى الجنين وعلى الولادة كمان . اكلك لازم يكون متنوع ما بين خضار وفاكهه و لحوم ومنتجات البان . لازم برضه تركزي على الخضار والكاربوهايدرات والاكل اللي فيه بروتين . ابعدي طبعا عن اللحوم المصنعة والسكريات والاطعمة مجهولة المصدر

الحفاظ على الوزن

حاولي لو سمحتي ما تزيديش قوي في الحمل . ده هيأثر جدا اذا كنتي هتولدي طبيعي ولا قيصري . زي ما قلنا قبل كدة كلي صح .

اسأل واستشير

انا هنا طبعا اقصد انك تسألي الناس اللي هتفيدك بجد مش ….. لازم تسألي عن كل حاجة انتي مش عارفها بس طبعا زي ما قلتلك اختاري صح

اختاري الدكتور الصح

لازم تسألي طبعا عن الدكتور اللي هتابعي معاه ومتتسرعيش في القرار . الدكتور الصح هو اللي هيشرحلك ويفهمك كل حاجة بتحصل ليه ولو هنولد طبيعي او قيصري وايه السبب .

شرب المياه

من اهم الحاجات اللي مش بناخد بالنا منها بالرغم من انها قدامنا طول الوقت . المياه من الحاجات اللي بتسهل الولادة . وبتساعد برضه في ابعاد القلق