اورام الرحم الليفية

الاورام الليفية من الحاجات اللي موجودة بنسب متفاوتة بتتراوح ما بين 20 – 80 % . والاورام الليفيه دي بنسبة 99% بتكون حميده . وبتتفاوت في العدد ( ممكن يكون ورم ليفي واحد او كذا واحد ) وبتتفاوت برضه في الحجم ( من بلية صغيرة او ممكن توصل لحجم كورة القدم ) مش كل الستات بيظهر عندهم اعراض بس ساعات بيحصل بعض الاعراض منها :

اضطرابات في الدروة الشهرية :

من اشهر اعراض الاورام الليفية . وساعات النزيف بيكون شديد لدرجة انه ممكن يعمل انيميا . وساعات بسبب ألم زائد اثناء الدورة او نزيف بين الدورة والدورة .

 

ألم في الحوض :

بيكون في ألم شديد في البطن او الحوض او الظهر .

مشاكل في التبول :

ساعات بيكون في مشاكل في التبول بسبب الاورام الليفية

مشاكل اخرى :

تأخر الحمل ساعات بيكون مصاحب للاورام الليفية . ولو حصل حمل بيكون صعب لانه بيسبب مشاكل في الحمل زي انفصال المشيمة او انخفاض وزن الجنين وساعات بيسبب ولادة مبكرة .

وبصفة عامة الاورام الليفية بتكون حميدة ومش خطيرة .. بس لازم نتدخل لو سببت اي مشاكل