ماهي الامور التي تشغل الام في الشهر التاسع ؟

الام في الشهر التاسع من الحمل كل اللي بيشغل تفكيرها هي هتولد امتي وازاي تعرف انها علي وشك الولادة وغيرها من الاسئلة المتعلقة بالولادة….

الاول لازم تعرفي انك ممكن تولدي في اي وقت فلازم تجهزي الشنطة اللي هتاخديها معاكي في المستشفي او العيادة واللي فيها كل لوازم البيبي وملابسك وغيرها من الاشياء .

ثانياً لازم يبقي معاكي رقم الدكتور الخاص به عشان لو حسيتي بأي اعراض تتصلي علي طول ويوجهك للمستشفي او المكان اللي اتفقتوا عليه .

ثالثاً لازم تبقي مرتبة التوصيلة ومين هيبقي معاكي في المستشفي .
رابعاً بقي وهي الاهم الولادة ليها اعراض معينة ما ينفعش تستني وقتها وهي :
– لما تلاقي افرازات مهبلية بنية او مختلطة بالدم.
– نزول الماء المحيط بالجنين .
– انقباضان قوية في اسفل البطن والم اسفل الظهر.

ماهي الامور المزعجة التي تمر بها المراة الحامل ؟ 

 من الامور المزعجة اللي ممكن تمر بيها المراة الحامل الم الاسنان عشان كده مهم قوي انك تهتمي بيها اول بأول وبنضافتها باستمرار والمتابعة مع دكتور الاسنان من اول الحمل ما تستنيش وما تكسليش بدل ما تتطور وتسبب مشاكل في العصب وساعتها هيبقي صعب ان طبيب الاسنان يستخدم البنج في اول شهور الحمل لكن ممكن في النصف الثاني استخدام البنج الموضعي لعلاجها .

كيف تتخلي عن الاكلات والمشروبات التي تضرك اثناء الحمل ؟ 

 ساعات كتير بتلاقي نفسك ملهوفة علي شرب البيبسي والكوكاكولا؟

لما بتبقي زهقانة بتبقي عايزة تاكلي شيكولاتة وتعيشي مع طعمها زي قبل الحمل؟

لما بتخرجي مع اصحابك وتقعدوا في كافيه بتشتاقي لكوباية موكا او فنجان اسبريسو معتبر؟
هل زهقتي من العصاير الطبيعية ؟

طبعاً انتي فاكرة ان هقولك ممكن تشربي المشروبات الغازية والقهوة والنسكافيه عادي وتاكلي شيكولاتة وجاتوه وتورته وكل الحاجات الجميلة ديه بس ما تكتريش ؟؟؟؟؟؟

للاسف فعلا هقولك كده …… بس حاولي تقللي من المشروبات ديه علي اد ما تقدري لانها بتوصل للجنين وممكن تسبب هشاشة في العظام لو وصلتله كميات كبيرة منها بس المشروبات الممنوعة خالص هي القرفة والبردقوش والميرامية والحلبة لان شربها بكثرة ممكن يسبب اجهاض لا قدر الله .
لما تحسي برغبة في شرب المنبهات اي عصاير فريش .

ماهو فوائد البروتين للجنين ؟ 

البروتين بيساعد علي نمو قلب ومخ الجنين وتطوره بشكل سليم لذا علي المراة الحامل الاكثار من تناول البروتينات و من الاغذية الغنية بالبروتين اللحوم الحمراء والدواجن والاسماك والفول والبيض.

ماهي الاطعمة المفيدة للجنين ؟ 

من الاطعمة المفيدة جدا للام والجنين الذرة اثناء الحمل لانها تحتوي على نسبة عالية من الحديد وحمض الفوليك، بالاضافة إلي انها بتحمي الجنين من الإصابة بأي عيوب خلقية لاحتوئها على نسبة كبيرة من الفيتامينات مثل فيتامين أ ، B1، ومادة الثيامين ، كما تحتوي على كمية كبيرة من الكالسيوم والأملاح المعدنية الأخرى.

  1. كتير من الامهات بيخافوا يعدوا من جهاز كشف المعادن اللي موجود في المطارات والمولات وكتير بيعتقد ان الجهاز ده شديد الخطورة علي الجنين ويسبب تشوهات او ولادة مبكرة احب اطمنكم ان الكلام ده مش مظبوط لان الاجهزة ديه امنة وبتعمل علي اصدار نوع من المجال الكهرومغناطيسي وده مسئول عن الكشف عن المعادن ومالوش اي ضرر علي الام او الجنين.

كيف تتغلب المراة الحامل علي الشعور بالغثيان اثناء فترة الحمل ؟ 

علشان تتغلبي على الشعور بالغثيان اللي بتسببه الفيتامينات ممكن تاخديها وسط الاكل او قبل النوم.

  1. من الامور المزعجة اللي ممكن تمر بيها المراة الحامل الم الاسنان عشان كده مهم قوي انك تهتمي بيها اول بأول وبنضافتها باستمرار والمتابعة مع دكتور الاسنان من اول الحمل ما تستنيش وما تكسليش بدل ما تتطور وتسبب مشاكل في العصب وساعتها هيبقي صعب ان طبيب الاسنان يستخدم البنج في اول شهور الحمل لكن ممكن في النصف الثاني استخدام البنج الموضعي لعلاجها .

ماهو الوحم للمراة الحامل ؟ 

الوحم من الحاجات الشائعة في الحمل واللي بتعرفك ان جسمك محتاج نوع معين من الاكل ، اقبلي علي تناول هذه الاكلات لكن بكميات معتدلة .

  1. حاولي تتعلمي ازاي تسترخي و تلاقي وقت لنفسك للاسترخاء او سماع الموسيقى اثناء الحمل او القراءة لان بعد الولادة هيكون صعب تلاقي وقت لاي حاجة.

ما هي فوائد الرضاعة الطبيعية للأطفال؟

  • الرضاعة الطبيعية هي حماية من العدوى للمولود حيث يحمي لبن الرضاعة الطفل من كثير من أمراض الطفولة.
  • تساعد الرضاعة الطبيعية علي الحفاظ على وزن مناسب للطفل على عكس اللبن الصناعي الذي قد يكسب الطفل وزنا زائدا.
  • تساعد زيادة نسبة ذكاء الطفل , أظهرت الدراسات أن الذكاء أعلى عند أطفال الرضاعة الطبيعية بنسبة بسيطة عنها عند أطفال الرضاعة الصناعية.
  • تساعد الرضاعة الطبيعية على تكون فكين وأسنان أقوى.

ما هي فوائد الرضاعة الطبيعية للأمهات؟

– تساعد علي انقاص  الوزن: حيث أن الرضاعة وسيلة طبيعية لخسارة الوزن المكتسب مع الحمل.

– تساعد علي تحسين المزاج العام والإحساس بالراحة.

– تساعد علي تقليل مخاطر سرطان الثدي أو سرطان الرحم وكذلك هشاشة العظام بعد انقطاع الطمث.

كم عدد مرات الرضاعة في اليوم ؟

تتراوح عدد المرات ما بين ٨ إلى ١٢ مرة يوميا (أي خلال ٢٤ ساعة), السبب وراء كل هذا العدد من مرات الرضاعة هو أن لبن الرضاعة الطبيعية أسهل وأسرع في الهضم وهذا معناه أن الرضيع سوف يجوع أسرع.

مع الشهر الثالث، يمكن أن تقل عدد المرات لتتراوح ما بين ٦ إلى ٨ مرات.

ما هي المدة الزمنية لكل مرة في الرضاعة الطبيعية ؟

تستغرق مدة الرضاعة عموما لحديثي الولادة حوالي ٢٠ دقيقة لكل ثدي. وعندما يكبر ويكون أقدر على الرضاعة سوف يحتاج من ٥ إلى ١٠ دقائق لكل ثدي

ولكن تختلف المدة من أم لأخرى حسب عدة عوامل

– هي كمية اللبن حيث تكون أقل في أول شهر- وسرعة ضخ اللبن وسرعة تدفق اللبن وقدرة الرضيع على إلصاق فمه بالحلمة وشخصية الرضيع بعضهم يتناول على مهل

–  كثرة الضوضاء حيث تشتت الرضيع عن التركيز في الرضاعة فيستغرق وقت أطول.

ماذا عن الرضاعة حسب الطلب ؟

مع الشهر الثالث، ربما تحتاجين أن ترضعي ابنك حسب طلبه، حتى لو كانت آخر مرة منذ ساعة. ففي هذه المرحلة تختلف المدة بين الرضاعة والأخرى حسب النشاط الذي يقوم به الطفل، حيث يحتاج لرضاعة أكثر وهو نشيط، وهذا يختلف عن ساعات النوم.

 كيف أعرف أن ابني يشبع من الرضاعة ؟

– يمكنك مراقبة وزنه مع دكتور امراض نساء  فالرضع يجب أن يزيدوا في الوزن أسبوعيا.

– إذا كان جلده ناعما ورائقا وغير مكرمش وقد بلغ شهر من العمر.

– إذا كنتِ تجدينه سعيدا ورائق المزاج.